Esti 8M nel institutu decidióse cellebrar el 8M col lema Tras las HUELLAS de las MUJERES, poniendo nuna plantía, d'una banda, micromachismos que se sintieren y, d'otra, muyeres que dexaren buelga na sociedá, col envís de visibilizar el llabor que desendolcaron. De sópitu, chísquente na mente los nomes de Marie Curie, Frida Kahlo, Malala, Hipatia...
Foi Luria'l de dicir que'l deprendizaxe caltria más si bien de lo más cercan a lo alloñao. ¿Nun había exemplos de muyeres que pudieren ser referentes más cercanes? Claro que sí. Pienso en muyeres que son un referente pa min: profesores d'universidá que m'enseñaron parte de lo que sé; escritores que m'abrieron camín na lliteratura; compañeres de profesión; amigues... Toes elles con muncha trayectoria. Toes elles, nel so llabor, abriendo buelga pa les demás muyeres, pero tamién pa la sociedá. Porque una sociedá na que la igualdá ye efectiva beneficia al conxuntu y tamién a los homes.
Feminismu ye igualdá.
Esti 8M
queremos rindir homenaxe tamién a aquelles MUYERES que dexaron BUELGA, una pisada que
nos fae más fácil, a toos, el camín.
Pero ente toles muyeres, nós queremos rindir homenaxe a estes, tan cercanes a
nós, que la sociedá tien doblemente invisibilizaes: primero, pola so condición
de MUYER. Segundo, por trabayar en, por, con una llingua también
invisibilizada, minorizada, a la que-y nieguen la so condición d’igualdá coles
sos llingües hermanes.
MUYERES EN LLINGUA ASTURIANA
Propuesta y execución de l'actividá
(2 SESIONES)
1) Desplícase en clas'l significáu del 8M y cómo tradicionalmente s'arrequexaron y s'aminorgaron los llogros de les muyeres na historia y nos llibros de testu, na educación, etc. Amás, coméntase la doble disciminación que puen sufrir les muyeres cuando, a la condición de muyer se-y amiesten otros rasgos discriminatorios: raza, etnia, probitú, o llingua. Fálase de la situación social de la llingua asturiana y entrúgase poles muyeres que conozan que destaquen y contribuyan, dende la so faza creativa, empresarial, etc., a dar tira a la llingua asturiana. Nesti casu, nel enceráu de la clas, fuimos apuntando les muyeres que conocíen y encaxaben nel proyeutu MUYERES & ASTURIANU. Van saliendo nomes de muyeres asturianes pero que nun tienen esti doble componente: dende la reina Letizia Ortiz a Luz Casa o a les propies muyeres de la familia.
Nel nuestru casu, los nomes que salieron fueron estos: Marisa Valle Roso; Anabel Santiago; Silvia Quesada; Xosefa de Xovellanos; La Busdonga; Sofía Castañón.
Dempués proyéctense les diapositives de les muyeres que se ficieron y coméntense los llogros. Nos casos nos que coincidiere dalguna muyer, invítase al alumnáu a que comparta col restu de qué la conoz, en qué destaca, etc.
Nel nuestru casu ye reseñable que dello del alumnáu conocía a les muyeres porque van a clas con Marisa Valle Roso y son aficionaos a l'asturianada y a la música tradicional.
Una vegada que se faló d'elles y de los sos llogros, reflexónase por qué son tan poco conocíes. En dalgunos casos proyéctase material audiovisual que complemente les desplicaciones: cantares, histories d'instagram, éntrase na páxina de les empreses o guétase información pela prensa.
2) Na sesión siguiente prepárense les buelgues cola semeya y dellos de los datos significativos de los llogros. Búscase un espaciu (nesti casu solicitemos a Xefatura d'Estudios que nos cedieren el tablón d'anuncies d'ente la planta baxa y la primera, pa nun interferir col restu de la esposición. L'alumnáu, usando les escaleres pa sentase, foi saliendo de manera voluntaria pa lleer y poner en corchu, de manera simbólica, la buelga que dexaron estes muyeres, un pie y otru, pasín a pasu, faciendo camín.
OPCIONES DE MEYORA Y AMPLIACIÓN
Guapamente, pue aprovechase munches de les opciones que l'alumnáu da (Marige, la empresaria de Casu que sacó'l quesu casín alantre; la so fía, que tira d'ello anguaño; munches más muyeres, cercanes que tán faciendo sacando proyectos y desenvolviendo un llabor importante y que nun escurrí a puntar...)
Tamién se pue sacar buelues propies y ver qué muyeres dexaron buelga en nós, como munchos dicíen, la muyer más importante ye mio güelita, que tolos díes me prepara la comida pa cuando llego a casa.
Búsqueda y ampliación de la información apurrida pol profesoráu.
Ampliación de la nómina y del camín.
